Home / سرائیکی شاعری / احمد خان طارق / مشہور سرائیکی شاعر احمد خان طارق جھوک لڈا گئین

مشہور سرائیکی شاعر احمد خان طارق جھوک لڈا گئین

سرائیکی شاعر احمد خان طارق

 احمدخان طارق سرائیکی دوہڑے دا مقبول ترین شاعر ہے۔ایں وقت سرائیکی وسیب وچ انہاں کوں ”دوہڑے دا بادشاہ“ آکھیا ویندے۔انہاں دا دوہڑہ علاقائی روایت و ثقافت،غربت و افلاس،عشق و محبت تیں علاقائی محرومیں دی بھرپورعکاسی کریندے۔ احمد خان طارق 1924ء اچ تونسہ شریف دے علاقہ شاہ صدر دین وچ پیدا تھئے ہن۔آپ دے والد دا ناں بخش خان ہے۔پیدائشی نام احمد بخش اور تخلص طارق ہے۔تعلیم پرائمری ،پیشہ زمیندارہ اور ذات کھوسہ ہے۔آپ دے اُستاداں وچوں شاعر نور محمد سائل (مرحوم) دا سنڑنڑ اچ آندے۔سرائیکی وسیب دے معروف و منفرد شاعر عزیز شاہد نور محمد سائل دے فرزند ہِن۔احمد خان طارق دی تصانیف وِچوں گھروں در تانی،طارق دے دوہڑے،متاں مال ولے،میکوں سی لگدے،ہتھ جوڑی جُل،بیٹ دی خوشبو شامل ہیں۔انہاں دے چند مشہوردوہڑے دا ذکر تِلے ڈتا گئے۔

اے پاگل دل! بے ہوش نہ تھی، ذرا آپ کوں جَھل ، کل آ ویسی

کل سجھ دا وعدہ کر گئے چن ، من کہیں دی گل ، کل آ ویسی

شالا خیر ہووِس تھیسی خیر دا ڈینہہ بہسوں رستے مَل،کل آ ویسی

اجاں اج تاں طارق ویندا پئے کل لہسی کل ، کل آ ویسی

تیڈی چھاں تے پلدے پئے ہاسے کر پاسہ گئیں چن دُھپ کیتی

بس لکدا چھپدا دیکھ تیکوں میڈا سیت وہ گئے لک چھپ کیتی

چن چاندڑیاں چٹیاں ڈُود ھ راتیں گئیں قہر دیاں کالیاں گھپ کیتی

ادھ بزم دے طارق بَہنڑ والے اج بیٹھوں چُنڈ ءِ چ چپ کیتی

جب تک طارقؔ دے ڈوہڑے زندہ ہن تب تک سرائیکی زبان کو کوئی خطرہ نہیں کیونکہ طارقؔ (مرحوم) اپنڑے ڈوہڑیں وچ اپنڑے وسیب کوں زندہ رکھنڑ دے سارے سامان جمع گئے ہیں۔ اللہ تعالیٰ مرحوم دے درجات بلند کرے۔ ساڈی بلکہ پوری دنیا وچ ہر سرائیکی دے دل وچ احمد خان زندہ ہں اور زندہ رہسِن۔

سئیں احمد خان طارق دی شاعری پرھنڑ کیتے کلک کرو

 

Check Also

بیت المقدس حالات کشیدہ حماس دا سخت ایکشن | خبراں

بیت المقدس سن 1948 ء اِچ اسرائیل نے  قدیم ترین شہر   القدس تیں حملہ کیتا …

جواب دیں

آپ کا ای میل ایڈریس شائع نہیں کیا جائے گا۔

error: معذرت سئیں نقل دی اجازت کائینی