Home / سرائیکی / کل رات کوں میڈے تھوڈیں تے | نظم کمبارا

کل رات کوں میڈے تھوڈیں تے | نظم کمبارا

نظم

کل رات کوں میڈے تھوڈیں تے
اوندا ناں کھیڈا ھے چرکیں تئیں
اوندی یاد دے خمرے نپ نپ کے
میڈا ہاں کھیڈا ھے چرکے تئیں
ہنڑ موسم نئیں ہِک موسم ہئی
ساڈے ناں دی تاڑی وجدی   ہئی
ہک رات دا منظر یاد جو اۓ
میڈے روح دی کندھلی کنب گئی ہے
ہک ہتھ نندر ہئ اوندے ہتھ دے وچ
بیا ہتھ حیران ہئ سر ہیٹھوں
موۓ نیناں ہین تماشے وچ
اوندے ساہ اچ سیک ہا اے جتلا
جیویں کئ دوزخ ساہ گھندیں ہوئیں
اسمان کوں ساڑ سٹیندی ہے
اینویں ساری رات جگیندا رہے
کئی کئی اتبار ڈویندا رھے
او جے تئیں جاگدا ریہا ہا
میکوں اینویں لگدا پیا ہا
جیویں ہے کائنات جگارے وچ
کہیں کالے شوش اندھارے وچ
اوندیاں ذلفاں شوکدیاں پئیاں ہن
جیڑھیاں میکوں لڑدیاں رہیاں ہن
بے چینی ہاں اچ دنگدی ہئ
اینویں ستے ستے آکھیا ہس
میڈی بانہہ دے اتے آکھیا ہس
توں ساکوں مل پئیں جی پۓ ہیں
میں اکھیں نوٹ کے سم پئیاں
ول ہاں تے سم کے آکھیا ہم
اوندے ہتھ کوں چم کے آکھیا ہم
ہرشئے دا موسم ہوندا ہے
انسان دا موسم نئیں ہوندا

(مخمور قلندری)

Check Also

پھل مکھی دا سجھ دے مونہہ دو  ڈیہدا راہندائے | ظفر اقبال عدم

سرائیکی نظم پھل مکھی دا سجھ دے مونہہ دو ڈیہدا راہندائے ایویں لکدائے سجھ کوں …

جواب دیں

آپ کا ای میل ایڈریس شائع نہیں کیا جائے گا۔