Home / سرائیکی / جڈاں تیڈے سونہیں ناسے تھئے | سدھی سیندھ

جڈاں تیڈے سونہیں ناسے تھئے | سدھی سیندھ

نظم

جڈاں تیڈے سونہیں ناسے تھئے
ساکوں نندر سکون تے آندی ہئی
کئی تارا ساڈا سونہاں نہ
اساں چندر دا ناں وی نہی سنڑیا
ساڈی اکھ وچ نیر نگال نہ ہن
اے حال نہ ہن
جیڑھے پتھر مارنڑ والے ہن
اے لوک سلام کریندے ہن
ساڈے ناں دی شام منیندے ہن
ساڈے شہر تے پہرے ہوندے ہن
ساڈے ناں دے نعرے ہوندے ہن
جڈاں تیڈے سونہیں ناسے تھئے
ساڈیاں سدھیاں سیندھاں ہوندیاں ہن
ساڈیاں عیداں عیداں ہوندیاں ہن
ہک جھوک خیالی ہوندی ہئی
ہر ڈینھ ڈیوالی ہوندی ہئی
ساڈے منہ تے لالی ہوندی ہئی
ساڈا بھوئیں تے پیرا پورا ہا
اساں امن سکون تے پئے ہاسے
اساں لوک تاں وڈی شے ہاسے
کوئی میلہ ڈیکھنڑ گئے ہاسے
جڈاں تیڈے سونہیں تھئے ہاسے
اینویں تھولا تھولا یاد ودے
کوئی عید ہئی یا ڈیوالی ہئی
تئیں صورت آن ڈکھالی ہئی
میں اپنڑا آپ سنبھالیا ھا
میڈے سینے کئی جھا خالی ہئی
کئی علم نہ ہا مخمور میڈی
بربادی تھیونڑ والی ہئی.

( مخمور قلندری )

Check Also

سانونڑ آ گئے اکھیں وت پسانونڑ آ گئے | سرائیکی نظم سانگا

سانگا سانونڑ آ گئےاکھیں وت پسانونڑ آ گئےمنڑ تے بہہ کیں جیونڑ والے ہوونڑ نال …

جواب دیں

آپ کا ای میل ایڈریس شائع نہیں کیا جائے گا۔

error: معذرت سئیں نقل دی اجازت کائینی