Home / سرائیکی / اج وی ساڈی بیٹھک تے | سرائیکی نظم بُجھارت

اج وی ساڈی بیٹھک تے | سرائیکی نظم بُجھارت

نظم

اج وی ساڈی بیٹھک تے

اوہیں محفل مچدی ہے ماچے تے 

اوہیں شرطاں لگدیاں رہ ویندن

اوہیں سوجی چڑھدی راھندی ہے 

اوہیں ثوبتاں تھیندیاں رہ ویندن

اوہیں ڈوہڑے ماہیے ھوندے ہن 

اوہیں ٹوکاں نال ٹھکارے ہن

اوہیں چھلا پوچ دی ڈنڈ ہے پئی 

اوہیں گوٹے پین تماخوں وچ

اوہیں تاش دی بازی چلدی ہے 

 اوہیں قصے چلدے رہ ویندن

اج وی ساڈی بیٹھک دی 

 اوں ڈنگی کچی کندھلی تے

کجھ سینگھیں دے تصویراں ہن

 کجھ کولے نال تحریراں ہن

اج وی پرلی وستی وچ

 مشہور گویا آوے تاں

سب سینگھے سنڑنڑ ویندے ہن

بھل سب سینگھیاں ہک سینگھے تے

ہک عجب بجھارت گھتی ہے 

 مخمور قلندری بیٹھک تیں

بُجھ کیوں نئیں آندا عرصے توں۔

سید مخمور قلندری

Check Also

سانونڑ آ گئے اکھیں وت پسانونڑ آ گئے | سرائیکی نظم سانگا

سانگا سانونڑ آ گئےاکھیں وت پسانونڑ آ گئےمنڑ تے بہہ کیں جیونڑ والے ہوونڑ نال …

جواب دیں

آپ کا ای میل ایڈریس شائع نہیں کیا جائے گا۔

error: معذرت سئیں نقل دی اجازت کائینی