Home / اخلاق لغاری / سک دا سارا سفر حویلی وچ۔ غزل

سک دا سارا سفر حویلی وچ۔ غزل

غزل

سک دا سارا سفر حویلی وچ
گئ حیاتی گزر حویلی وچ۔

میکوں لگدے میں کہیں قبر وچ ہاں۔
میکوں لبھدا نئیں در حویلی وچ۔

میکوں کتنا اداس کر ڈیندے ۔
ہک پرندے دا پر حویلی وچ۔

ادھ حیاتی گزر گئ در تیں
ادھ گئ اے گزر حویلی وچ۔

کوئی تاں ہو وے ہا ان کے آکھے ہا
کلہا بیٹھا نہ کر حویلی وچ۔

ہوند نہ ہوند مونجھ ماتم تئیں
ہک تاں ہوندا نئیں شر حویلی وچ۔

بے گھری وچ آباد لوکیں کوں
کاش نظرے ہا گھر حویلی وچ۔

میں پرندیں دی بولی سنڑ گھندا
کاش ہوندا شجر حویلی وچ۔

ڈنہیہ دے تارےایویں تاں نئیں ڈسدے
ہے تاں سہی کئ اثر حویلی وچ۔

اساں عمراں گزار چھوڑی ہے
کون راہندا ہے بر حویلی وچ۔

جنابِ اخلاق لغاری

Check Also

ساڈی وسوں دا ہک سَچا تے سُچا سرائیکی نینگر | مخمور قلندری دی قلم توں

سلیوٹ معوز ارائیں ساڈی وسوں دا او سچا تے سُچا سرائیکی ہے جئیں ظہور دمانی …

جواب دیں

آپ کا ای میل ایڈریس شائع نہیں کیا جائے گا۔