Home / اخلاق لغاری / چپ دی کندھلی اُسار چپ کر تیں | اخلاق لغاری

چپ دی کندھلی اُسار چپ کر تیں | اخلاق لغاری

غزل

چپ دی کندھلی اُسار چپ کر تیں
ڈے محبت دے وار چپ کر تیں۔

ساڈو ایویں خزاں تاں کئے نہی آئی
جیویں آئی اے بہار چپ کر تیں۔

حال سنڑدی اے حال ڈیندی نئیں
کیوں کھڑی ہے دیوار چپ کر تیں۔

شور اتنا ہا کن پڑیندے ہن
میں کھڑا ہم بزار چپ کر تیں۔

میڈی عرضی دا کئ تاں ولدا ڈے
میکوں ایویں نہ مار چپ کر تیں۔

میڈی ولدی دا ولدا ول آیئے
جیویں گزری گزار چپ کر تیں۔

جناب اخلاق لغاری

Check Also

ساڈی وسوں دا ہک سَچا تے سُچا سرائیکی نینگر | مخمور قلندری دی قلم توں

سلیوٹ معوز ارائیں ساڈی وسوں دا او سچا تے سُچا سرائیکی ہے جئیں ظہور دمانی …

جواب دیں

آپ کا ای میل ایڈریس شائع نہیں کیا جائے گا۔