Home / سرائیکی / او دھرتی کیندی دھرتی ہے

او دھرتی کیندی دھرتی ہے

نظم

جتھ رات رُواٹ دی راند رسے

نہ پاند چُھٹے نہ پاند رسے

جتھ سجھ توں پہلے ساہ نکلے

جتھ کال کُریہہ دے دیرے ہِن

جتھ گھر گھر دیہہ دے دیرے ہِن

جتھ اوکھی قبر دی جاہ نکلے

جتھ فصلاں فاقے وات ڈسن

لئ ہار دے تنگ حالات ڈسن

جتھ ساونڑ ساڑ  ہنبھاہ نکلے

جتھ لوڑھا رڑھ کوں کھاندا ہے

نہ کھاندیں ہوئیں گھبراندا ہے

نہ دھاں فریاد دی راہ نکلے

جتھ لہجے حلق دے قیدی ہن

جتھ قاتل گھر دے بھیدی ہن

جتھ اپڑیں چور نگاہ نکلے

جتھ پیرو آڈھی داغی ہن

جتھ نویاں نسلاں باغی ہن

چُلھ چُلھ توں وسمی بھاء نکلے

او دھرتی کیندی دھرتی ہے

او دھرتی کیندی دھرتی ہے۔

 

سئیں مصطفیٰ خادم

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …

جواب دیں

آپ کا ای میل ایڈریس شائع نہیں کیا جائے گا۔