Home / سرائیکی شاعری / جمشید ناشاد / سجھ آ وے سجھ آ سوہنڑاں سچاسجھ آ

سجھ آ وے سجھ آ سوہنڑاں سچاسجھ آ

نظم

سجھ آ وے سجھ آ سوہنڑاں سچاسجھ آ

سچی سچی گال ڈس سچاسچاحال ڈے

توں تاں ساریں جهوکیں دا بہوں پرانڑیں لوکیں دا

بہوں پرانڑاں واقف ہیں جهوکیں نال جهوکیں دا

لوکیں نال لوکیں دا پیارکیجهاں ہوندا ہا

توں زمیں دا سینگا ہیں تئیں زمانے ڈٹهے ہن

تئیں آبادیاں ڈٹهیاں ہن تئیں ویرانے ڈٹهے ہن

کیجهیں کیجهیں لوک ہن کیںجهیاں کیںجهیاں ہستیاں ہن

کیجهیں کیجهیں جام ہن کیجهیاں کیجهیاں مستیاں ہن

بادشاہ کیجهیں ہن شاہی قول کیجهیں ہن

شاہی ونڈ کیجهی ہئ بهرتول کیجهیں ہن

کیجهیاں کیجهیاں قوماں ہن میرکیجهیں ہوندے ہن

ول انہیں میریں دے مشیرکیجهیں ہوندے ہن

بےسہارے لوکیں دیاں دهائیں کون سنڑدا ہا

کنڈے کون کڈهدا ہا پهل کون چنڑدا ہا

ڈینہہ کیویں تهیندا ہا رات کینویں تهیندی ہئ

رات بکهے لوکیں دے زخم کینویں سیندی ہئی

بکھ کینویں ہوندی ہئی تس کینویں ہوندی ہئی

بکهی تسی زندگی دی چس کینویں ہوندی ہئی

سجھ آ وے سجھ آ سچی سچی گال ڈس

سچاسچاحال ڈے.

سئیں جمشید ناشاد صاحب

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …

جواب دیں

آپ کا ای میل ایڈریس شائع نہیں کیا جائے گا۔