Home / سرائیکی شاعری / جمشید ناشاد / زنجیرِ عدل رات ڈینہہ ہلا ہلا کیں تھک پیاں

زنجیرِ عدل رات ڈینہہ ہلا ہلا کیں تھک پیاں

غزل

زنجیرِ عدل رات ڈینہہ ہلا ہلا کیں تھک پیاں

میں اپڑین غم دی داستاں سنڑا سنڑا کیں تھک پیاں

آئے روح دا بے وفا پکھی اڈر ونج اپڑے دیس دو

میں تیکوں ہر شاہین توں بچا بچا کیں تھک پیاں

توں ہک خدا دے در تے سِر جھکا کیں سرخرو تھئیں

میں ہر خدا دے در تے سِر جُھکا جُھکا کیں تھک پیاں

شباب دی رِدا کوں چار ڈینہہ وی نہ ہنڈا سگیا

بڈھیپے دی لُکار کوں ہَنڈا ہَنڈا کیں تھک پیاں

اجنڑ وی بَئی پِلا میکوں آواز ہے اندر کنوں

میں مونجھ کوں ہنجوں دی مئے پِلا پِلا کیں تھک پیاں

آئے دوستو میں بے کسی دی لاش سِر تیں چائی وداں

کوئی تاں میڈا ساتھ ڈیو چِلا چِلا کیں تھک پیاں

ناشؔاد سوجھلے دی کوئی کِرن وی نئیں نصیب تھئی

میں چندر کوں زمین تیں لہا لہا کیں تھک پیاں۔

سئیں جمشید ناشؔاد صاحب۔

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …

جواب دیں

آپ کا ای میل ایڈریس شائع نہیں کیا جائے گا۔