Home / سرائیکی / فکر دا سجھ ابھردا ہے سوچیندیں شام تھی ویندی​

فکر دا سجھ ابھردا ہے سوچیندیں شام تھی ویندی​

غزل

فکر دا سجھ ابھردا ہے سوچیندیں شام تھی ویندی​
خیالیں وچ سکون اجکل گولیندیں شام تھی ویندی​
انھاں دے بال ساری رات روندین، بُھک توں سُمدے نئی​
جنھاں دی کہیں دے بالاں کوں کھڈیندیں شام تھی ویندی​
غریباں دی دعا یارب خبر نہیں کِن کریندا ہیں​
سدا ہنجوؤاں دی تسبیح کُوں پھریندیں شام تھی ویندی​
کڈاھیں تاں ڈکھ وی ٹل ویسن کڈاھیں تاں سکھ دے ساہ ولسن​
پُلا خالی خیالاں دے پکیندیں شام تھی ویندی​
میڈا رازق رعایت کر نمازاں رات دیاں کرڈے​
جو روٹی رات دی پوری کریندیں شام تھی ویندی​
میں شاکر بُھک دا ماریا ہاں مگر حاتم تُوں گھٹ کائینی​
قلم خیرات میڈی ہے چلیندیں شام تھی ویندی​

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …

جواب دیں

آپ کا ای میل ایڈریس شائع نہیں کیا جائے گا۔