Home / سرائیکی شاعری / جمشید ناشاد / کجھ حال وسیب دے لوکیں دے | جمشید ناشاد

کجھ حال وسیب دے لوکیں دے | جمشید ناشاد

نظم

کجھ حال وسیب دے لوکیں دے
 
کجھ قصے اجڑیں جهوکیں دے
 
کجھ پهوگ سنوار تے لانڑیں دے
 
ناخوش ناشاد نمانڑیں دے
 
کجھ ڈکهڑے بیوہ ماواں دے
 
ساہ ٹهڈڑے ٹهڈڑیاں چهاواں دے
 
کجھ بےمل وکدیں بنریں دے
 
کجھ سیجھ لوسکدیں بنریں دے
 
کجھ فیصلے لمبیں فاصلیں دے
 
کجھ قصے گم تهئیں قافلیں دے
 
کجھ ڈکھ بےجرم اسیریں دے
 
کجھ حال حوال فقیریں دے
 
کجھ شور فضاوچ ماتم دا
 
کجھ سوز ہوا وچ ماتم دا
 
کجھ دهائیں معصوم پرندیں دیاں
 
بےپر مظلوم پرندیں دیاں
 
کجھ لہجے تلخ بہاریں دے
 
کجھ گلے شکوے خاریں دے
 
کجھ کوکاں اپڑیں اندر دیاں
 
اے دهائیں خاموش سمندر دیاں
 
اساں سنڑسنڑ ڈورے تهی گئے ہیں
 
اساں بهورے بهورے تهی گئے ہیں

Check Also

سرائیکی شاعر منشو بھٹہ سئیں ہونڑی دی ہک نظم ”سندھو دی منت“

سرائیکی نظم سندھو دی منت تیکوں تیڈیاں سپیاں دا واسطہ ساڈے پاسے بھاہ ءے ساڈے …

جواب دیں

آپ کا ای میل ایڈریس شائع نہیں کیا جائے گا۔