Home / سرائیکی شاعری / اصغرگورمانی / پہلے ڈیندے چا رولے لُک ویندے | سئیں اصغرگورمانی

پہلے ڈیندے چا رولے لُک ویندے | سئیں اصغرگورمانی

غزل

پہلے ڈیندے چا رولے لُک ویندے۔
ول بھنیندا ہے بھولے لُک ویندے۔

اوندا میڈا عجیب رشتہ ہے۔
میڈے بارے کوئی بولے لُک ویندے۔

میڈے دشمن کوں آکھ تکڑا تھی۔
پا کے لوظیں دے چولے لُک ویندے۔

سچ کوں سادہ لباس گھن لہندے۔
کوڑ وردی دے اولے لُک ویندے۔

سارے مندر مسیت خالی ہن۔
اوکوں جیکر کوئی گولے لُک ویندے۔

او تاں پہلی دا چندر ہے اصغر۔
ڈیندا درشن ہے تھولے لُک ویندے۔

سئیں جناب اصغرگورمانی۔

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …

جواب دیں

آپ کا ای میل ایڈریس شائع نہیں کیا جائے گا۔