Home / سرائیکی شاعری / جمشید ناشاد / ڈوہڑے جمشید ناشاد دی کتاب پرلی کندھی وِچوں

ڈوہڑے جمشید ناشاد دی کتاب پرلی کندھی وِچوں

ڈوہڑے

تیڈے شوق دا مل بہوں بھاری ہا میڈے ساہ دا ترکہ کُھٹ پئے

اڈو اکھ دی ہک ہک پپلی توں پرنالہ ہنج دا چھُٹ پئے

اڈو تھل ویران دے ٹبیں تے دل پنل کریندیں ہُٹ پئے

ناشاد اسمان دے نیڑے ہا کشکول دعا دا ترُٹ پئے
‏۔

۔
ہرقول اقرار قضا تھی گئے جڈاں وقت ادا دا چُک گئے

میں بےعملی توں بھل چک وچ کوئی عمل دعا دا چُک گئے

ککھ جِتلا فرق وی نئیں آیا ککھ شیئت دوا دا چُک گئے

ناشاد پیار دی بندگی وچ کوئی فرض وفا دا چُک گئے
‏۔

۔
جیندا پیار عبادت سمجھا ہم اوندے پیار دے وچ پل پل اُجڑیاں

اوندے شہر دے ہر دروازے توں اوندے ناں دے میہنڑیں جھل اُجڑیاں

کئی اُجڑیے اُجڑ کے ول وسدن ، میں اجڑیا اُجڑ کے ول اُجڑیاں

ناشاد میں اُجڑیاں عمراں دا اینویں لگدے جیویں کل اُجڑیاں
‏۔

۔
جاں دل دیوانی دل دی تھئ دلدار دی دل بدلیج گئی

دل ہک ہک دے ہتھ پیریں پئ ، دل ناز بھری اکڑیج گئی

نئیں دل ول دل دی غرض رکھی دل آپ توں آپ ونجیج گئی

ناشاد دیوانی دل میڈی اوندے قدمیں وچ لتڑیج گئی

جمشیدناشاد  دی کتاب ” پرلی کندھی "وچوں ۔

جمشید ناشاد

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …

جواب دیں

آپ کا ای میل ایڈریس شائع نہیں کیا جائے گا۔