Home / سرائیکی / شاکِر شجاع آبادی دے مشہور ڈوہڑے

شاکِر شجاع آبادی دے مشہور ڈوہڑے

 

ڈوھڑے :

توں لکھ تے کروڑ ہزار سہی ، میں ککَٖھ نئیں لاچار سہی

توں حُسن جمال دا مالِک سہی ، میں کوجھا تے بیکار سہی

توں باغ بہار دی رونق سہی، توں گُل پُھل تے میں خار سہی

میکوں شاکر اپنڑے نال چا لِکھ، میں نوکر توں سرکار سہی

۔

۔

جہیڑا کم ہا رقیباں دا ، اُوہو سجنڑ کریندے رہ گۓ

جیکوں اپنڑا سمجھ کے ہال ڈتم،میڈی پاڑ پٹیندے رہ گۓ

لا تیلی میڈی جھونپڑی کوں،ہتھ پیر سِکیندے رہ گۓ

بس شاکر بدلے پانڑی دے ،پیٹرول سٹیندے رہ گۓ

ـ

ـ

کل خواب ڈٹھم مر گیاں ہاں جگ سوگ منیدا رہ گۓ

کوئی تیار میڈے جنازے دا اعلان کریندا رہ گۓ

چن آونڑ لاؤ ٹر تاں پۓ ایویں قدم گِھلیندا رہ گۓ

گۓ غیر جنازہ چا شاکر،اُوہو پیر دُھوویندا رہ گۓ

ـ

ـ

نا قاتل تھی جذباتاں دا احساس چا کر کیا تھیسی

آ سِک ویسی دل زخمی کوں سڑ جگر تے لُونڑ سُواء تھیسی

نئی لگڑاں چارہ حکیماں دا نہ مرض مُول دوا تھیسی

مک ویسی زندگی شاکر دی پچھے لنگھ آویں کیا تھیسی

ـ

ـ

میں سُنڑیاں ہا تیڈے در ساقی پئے مُفتے جام ونڈیندن

جہیڑے ہک واری جو پی گۓ ہن پئے نال سکون دے جیندن

تیڈے در تیں آ معلوم تِھیا پئے دولت والے پیندن

جیندے شاکر کِھیسے خالی ہن ودے پیراں وِچ لَتڑیندن

شاکر شجاع آبادی 

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …

جواب دیں

آپ کا ای میل ایڈریس شائع نہیں کیا جائے گا۔