Home / سرائیکی / اےرشتےکیویں ترٹ سگدن | عزیز شاہد

اےرشتےکیویں ترٹ سگدن | عزیز شاہد

نظم

اےرشتےکیویں ترٹ سگدن
تیڈی سک سرمایہ سینے دا
تیڈا غم هےغازہ پلکیں دا
تیڈا خیال خزانہ خوابیں دا
تیڈی مونجھ معشوق هےدهڑکن دی
تیڈا درد شریک هے شہ رگ دا
تیڈی یاد یقین حیاتی دی
تیڈا وہم ولائت پل پل دی
تیڈی تات تندیرهےتاریں دی
تیڈی جوت جگیر جگاریں دی
تیڈا ذکر ضرورت زندگی دی
تیڈا فکرء فقر فقیریں دا
اےسلسلہ هےزنجیریں دا
اے رشتے کیویں ترٹ سگدن
میں کون بھلا کیا ذات میڈی
کیاسجھ میڈا کیا رات میڈی
میں ماتم پوہ دی چاندنی دا
میں مقتل بےسر سوچیں دا
میں خط بےنقطہ لفظیں دا
هرحرف حضور دا ترکہ هے
میڈی ذات تاں خالی ورقہ هے
تیڈی جی جیداد هے جندڑی دی
تیڈی چپ سکرات هےنبضیں دی
تیڈا لمس شراب دا پہلا گهٹ
تیڈا قرب حواس دی آخری چس
تیڈا جسم امانت رشتیں دی
تونڑیں توں هوویں تونڑیں میں هوواں
کرےکون خیانت رشتیں دی
ایہے رشتےکم دے رشتےهن
اے لوح قلم دے رشتے هن
اے جنم جنم دے رشتے هن
اے رشتے کیویں ترٹ سگدن

      مرشد عزیز شاہد ۔

Check Also

سانونڑ آ گئے اکھیں وت پسانونڑ آ گئے | سرائیکی نظم سانگا

سانگا سانونڑ آ گئےاکھیں وت پسانونڑ آ گئےمنڑ تے بہہ کیں جیونڑ والے ہوونڑ نال …

جواب دیں

آپ کا ای میل ایڈریس شائع نہیں کیا جائے گا۔

error: معذرت سئیں نقل دی اجازت کائینی