Home / سرائیکی شاعری / ایم بی راشد / یار تھیوے ناں کہیں دا جُدا شام کوں |ایم بی راشد

یار تھیوے ناں کہیں دا جُدا شام کوں |ایم بی راشد

غزل

یار تھیوے ناں کہیں دا جُدا شام کوں
کہیں کوں مِلے ناں اتنی سزا شام کوں

اوکوں تتڑی ہوا دا نہ جھولا لگے
روز منگداں میں رو رو دعا شام کوں

میڈا ککھیں دا گھر شالا ڈھہ نہ ونجے
روز گھلدی ہے پاگل ہوا شام کوں

کہیں سوالی کوں خالی ولایا نہ کر
کوئی آ ڈیوے در تیں صدا شام کوں

زندگی ھووی نکھڑن دیاں گالھیں نہ کر
نین کھلدے نہ راشد روا شام کوں

ایم بی راشد

Check Also

سرائیکی شاعر منشو بھٹہ سئیں ہونڑی دی ہک نظم ”سندھو دی منت“

سرائیکی نظم سندھو دی منت تیکوں تیڈیاں سپیاں دا واسطہ ساڈے پاسے بھاہ ءے ساڈے …

جواب دیں

آپ کا ای میل ایڈریس شائع نہیں کیا جائے گا۔