Home / سرائیکی شاعری / ریاض عصمت / حال ہا بهایئوال دا میں ڈر گیاں | ریاض عصمت

حال ہا بهایئوال دا میں ڈر گیاں | ریاض عصمت

غزل

حال ہا بهایئوال دا میں ڈر گیاں
خواب ہا لجپال دا میں ڈر گیاں
خون پیندے کهیر پیندے نانگ ہے
میں ہاں چهیڑو مال دا میں ڈر گیاں
نور ویلھے ہک ستاره بجھ گیا
وقت ہا پنڑیال دا میں ڈر گیاں
بس پجهیں کجھ فاصلے تهیونڑلگے
یار وی ہا نال دا میں ڈر گیاں
بم دے دهوں اچ شور ہا کہرام ہا
ہک الا ہا بال دا میں ڈر گیاں
میں جتهاں پینگهاں اڈیندا ہم کڈاہیں
منڈه پیا ہا جال دا میں ڈر گیاں
میں ہاں بیلی میڈے مالک جو الائے
اللہ بیلی مال دا میں ڈر گیاں
ڈینہہ کوں عصمت بهال تیڈی وچ ریہاں
ڈینہہ وی ہاوی سال دا میں ڈر گیاں

Check Also

بھوئیں تے پالے نہ پا سِیانی تھی,,

بھوئیں تے پالے نہ پا سِیانی تھی ۔۔۔ کُجھ تاں گالھی بَلا سِیانی تھی۔۔۔۔۔ بال …

جواب دیں

آپ کا ای میل ایڈریس شائع نہیں کیا جائے گا۔