Home / سرائیکی شاعری / احمد خان طارق / چڑیاں اُٹھو کئی دھاں کرو | احمد خان طارق

چڑیاں اُٹھو کئی دھاں کرو | احمد خان طارق

نظم

چڑیاں اُٹھو کئی دھاں کرو 
چُپ نہ کرو چُپ ناں کرو
خالق جہاں دی خیر کر 
ہتھ جوڑ کیں چِلکیاں کرو
تَن بے کفن ڈیکھو کتھائیں
وَنج کے پَراں دی چھاں کرو
رُٹھڑے  مناونڑ  دا  دوا
ساونڑ دے سنگ سنگتاں کرو
ہتھ وچ جے کُئی ہتھیار نئیں
چِیں چِیں کرو چاں چاں کرو
جیکر خوشیاں محبوب ہِن
مونجھیں دیاں وی قدراں کرو
طارق سویرے شام آ
ویڑھے میڈے چُگیاں کرو


احمد خان طارق

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …

جواب دیں

آپ کا ای میل ایڈریس شائع نہیں کیا جائے گا۔