Home / سرائیکی شاعری / مر مٹا ہے جہان بوچھنڑ تے غزل | سئیں کاظم حسین کاظم

مر مٹا ہے جہان بوچھنڑ تے غزل | سئیں کاظم حسین کاظم

غزل

 مر مٹا ہے جہان بوچھنڑ تے
اکھ دا سارا دھیان بوچھنڑ تے

ڈیکھ بوچھنڑ دے تارے ایں لگدۓ
لہہ پۓ آسمان بوچھنڑ تے

بوچھنڑ آلی تے صرف 2 غزلاں
باقی سارا دیوان بوچھنڑ تے

ڈیکھ تاراں دیوچ ہے چن لگدا
میڈی ہنج دا نشان بوچھنڑ تے

وس جے لگدا تاں روح دا فوٹو وی
چھاپ ڈیواں ہا خان بوچھنڑ تے

روح،جذبے،مزاج،اکھیں وی
میڈا سارا سامان بوچھنڑ تے

صدقہ بوچھنڑ دا بہوں ضروری ہائی
سی کھڑائی می زبان بوچھنڑ تے

کہیں دے پیراں کوں معتبر کرنۓ
آ گیئے امتحان بوچھنڑ تے

وصل کاظم سنبھال جھولی وچ
ہجر ڈیسی اذان بوچھنڑ تے

سئیں کاظم حسین کاظم

Check Also

بھوئیں تے پالے نہ پا سِیانی تھی,,

بھوئیں تے پالے نہ پا سِیانی تھی ۔۔۔ کُجھ تاں گالھی بَلا سِیانی تھی۔۔۔۔۔ بال …

جواب دیں

آپ کا ای میل ایڈریس شائع نہیں کیا جائے گا۔