Home / سرائیکی شاعری / جاویدآصف / میں پچھیے کیا ساݙی یاری لگ سگدی اے | جاویدآصف

میں پچھیے کیا ساݙی یاری لگ سگدی اے | جاویدآصف

غزل

میں پچھیے کیا ساݙی یاری لگ سگدی اے
آکھیس کیوں نہ  تیڈی واری لگ سگدی اے

میں آکھیے تیں جان وی جیکر منگی ڈیساں
آکھیس تیکوں جان وی پیاری لگ سگدی اے

میں آکھیے ہتھ  ڈیکھ ستارے کیا آہدے ہن
آکھیس تیکوں عشق بیماری لگ سگدی اے

میں آکھیے کے تانٹی تیڈا  رستہ  بھالاں
آکھیس ݙیکھو زندگی ساری لگ سگدی اے

میں آکھـیے کیا پیار اچ نکھڑݨ لازم ہوندے
آکھیس مفتی کئی شے پیاری لگ سگدی اے

آکھیم عشق اچ آخر کیا کجھ وارنڑاں پوندے
آکھیس سر سودھی سرداری لگ سگدی اے

آکھیم کئی تنقید آصف دی شاعری اُتے
آکھیس کئی وی غزل معیاری لگ سگدی اے

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …

جواب دیں

آپ کا ای میل ایڈریس شائع نہیں کیا جائے گا۔