Home / سرائیکی / کوئی ہووے ہا سرائیکی نظم | مخمور قلندری

کوئی ہووے ہا سرائیکی نظم | مخمور قلندری

نظم

کوئی ہووے ہا
جیہڑا آکھے ہا
گھر شام کوں جلدی آیا کر
تیڈے نال دے سینگے ڈیکھ تاں سہی
کوئی چندر دے سیراں کر آئے 
کوئی تارے تروڑ آسمانوں آئے
کوئی روہ دی چوٹی چم آئے
کوئی قید ہوا کوں کیتی پئے
تیڈے نال دے سینگے
آکھ کرائیں کوڑیجے ہا
کوئی ہووے ہا
جیڑھا آکھے ہا
توں اتنی سگریٹ کیوں پیندیں
تیڈا چہرہ پیلا کیوں تھی گۓ
ونج گھر دو ونج، میڈے آندیاں تئیں
تیں گھر توں بہر نکلنڑاں نئیں
جیں ویلے گھر دو آوے ھا، سمجھاوے ہا
کوئی ہووے ہا
جیڑھا آکھے ہا
تیڈی رات دی روٹی ٹھر گئی اے
مخمور زمانہ ٹھیک نوی
گھر شام کوں جلدی آیا کر
میکوں بابا اج احساس تھئے
کوئی ہووے ہا
جیڑھا آکھے ہا

سئیں مخمور قلنددری

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …

جواب دیں

آپ کا ای میل ایڈریس شائع نہیں کیا جائے گا۔