Home / سرائیکی شاعری / تلوار دو ہتھ تیر دو گل بھیج ڈیویجے غزل | سرور کربلائی

تلوار دو ہتھ تیر دو گل بھیج ڈیویجے غزل | سرور کربلائی

غزل

تلوار دو ہتھ تیر دو گل بھیج ڈیویجے 
قاتل کوں اُوندی کرنڑی دا پَھل بھیج ڈیویجے 

ڈیکھوں تاں سہی کونڑ کیڑھے پانڑیں دے وچ  ہے
ساونڑ دو کئ سہکدا تھل بھیج ڈیویجے 

آسمان توں احسان وانگوں رزق جے لہندے
احسان کوں آسمان دو وَل بھیج ڈیویجے 

او ڈیکھنڑا چاہندا  ہے میڈے بھانڑ پرانڑے
پلکیں دی عماری دا محل بھیج ڈیوییجے

ایں عید تے سرکار تیڈو عید دا تحفہ
ہنج بھیج ڈیویجے یا غزل بھیج ڈیویجے

آئے آس دِی آیت تیڈے آرام دے کیتے

دل آہدا  ہے باہیں دا رحل بھیج ڈیویجے

کوئی سر ہے نہ پتھر ہے نہ مخلوق دا کٹھ ہے
سرور کوں تیڈے شہر دو وَل بھیج ڈیویجے

Check Also

سرائیکی شاعر منشو بھٹہ سئیں ہونڑی دی ہک نظم ”سندھو دی منت“

سرائیکی نظم سندھو دی منت تیکوں تیڈیاں سپیاں دا واسطہ ساڈے پاسے بھاہ ءے ساڈے …

جواب دیں

آپ کا ای میل ایڈریس شائع نہیں کیا جائے گا۔