Home / سرائیکی شاعری / سرائیکی نظم دراوڑی | ناظر مہروی

سرائیکی نظم دراوڑی | ناظر مہروی

دراوڑی

اساں بُکل ماری مونجھ
دی ساڈے سینے پلی 
دھاڑ

کُل کُلکیاں نگلے بھانبھڑو
گھُل جھکڑاں ڈھائے 
ماڑ

ساڈے رُلے مال مدھانڑیاں
سنڑے چھیڑُو رُلے 
وَگ

اساں بھُلے دول ویساکھڑا
ساڈے دولی بھُلے 
دَگ

ساڈی رُوح ئچ پوہ دے
پالڑے اساں باہرُوں
چیت بہار

ساڈی جانڑ سُجانڑ دراوڑی 
ساڈے گل صدماتڑے
ہار

اساں نعرہ مارکے ہک 
دا لکھ سر تے بھوگے 
بھوگ

اساں مر مر کے نت جیونڑاں
اساں دُھر تُوں جیونڑ
جوگ

ساڈے متھڑے تلکاں پیلیاں
ساڈے گل ئچ رتڑے
دول

اساں اپنڑے آ پ توں دور
اساں اپنڑے آپ دے
کول
سئیں ناظر مہروی

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …

جواب دیں

آپ کا ای میل ایڈریس شائع نہیں کیا جائے گا۔