Home / سرائیکی / زندگی دے سائیں کل شام رس گئے ہن | گیت

زندگی دے سائیں کل شام رس گئے ہن | گیت

گیت

زندگی دے سائیں کل شام رس گئے ہن

تاہیوں ساتھوں چین تے آرام رس گئے ہن

 

دتا نے جواب مینوں ہوش اڈ گئے نے

کملی تے جھلی دے، لیکھ بڈ گئے نے

خوشیاں دے انج ساتھوں ایام رس گئے ہن

زندگی دے سائیں کل شام رس گئے ہن

 

غلطی تاں کوئ ناہی سجنڑاں بنڑا لئی

پکی ماہی ساڈے نال ساہج مکا لئی

کر سانوں اپنڑاں غلام رس گئے ہن

زندگی دے سائیں کل شام رس گئے ہن

 

بولیاں تے ٹوکاں دے ماہی وس پا گیا

ساڈیاں رقیباں تے شریکاں نوں ہسا گیا

نیندراں او کر کے حرام رس گئے ہن

زندگی دے سائیں کل شام رس گئے ہن

 

انجم اوندے نال لنگھا ویلا یاد آندا اے

ہنڑ تاہیوں روچ ساڈا بڑا گھبراندا اے

توڑ کے او رشتے تمام رس گئے ہن

زندگی دے سائیں کل شام رس گئے ہن

 

کلام : شعیب انجم 

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …

جواب دیں

آپ کا ای میل ایڈریس شائع نہیں کیا جائے گا۔