Home / سرائیکی شاعری / اصغرگورمانی / تھل دا سینہ سراب تھی سگدے | اصغر گورمانی

تھل دا سینہ سراب تھی سگدے | اصغر گورمانی

غزل

تھل دا سینہ سراب تھی سگدے 
کیچ سسی دا خاب تھی سگدے 

جے ہوا نیں تاں ول میدے در تے 
میدے خط دا جواب تھی سگدے 

مونجھ کتنی ہے کیا ڈسا واں میں
بے حسابا حساب تھی سگدے 


میدے ناں کوں ہے سوبھ کربل
میدا ناں گھن ثواب تھی سگدے


تیدے عاشق مشوق بہوں سارے
ہک مثال اے گلاب تھی سگدے 


اکھ دے سوانڑ دا کیا بھروسہ کوئی
من دا موسم خراب تھی سگدے

چٹے والیں نا چھوڑ اصغر کوں 
ھونڑ نکھیڑا عذاب تھی سگدے

 سئیں اصغر گورمانی

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …

جواب دیں

آپ کا ای میل ایڈریس شائع نہیں کیا جائے گا۔