Home / سرائیکی / ذات دے تھل اِچ عمر گزارنڑی پئے گئی اے

ذات دے تھل اِچ عمر گزارنڑی پئے گئی اے

غزل

ذات دے تھل ءِچ عمر گزارنڑی پئے گئی اے
صحرا دے وچ بیڑی تارنڑیں  پئے گئی اے

تیڈے ٻاجھ تاں جیونڑ جانی ایں لگدے
دریا وچ دیوار اُسارنڑیں پئے گئی اے

اپنڑے آپ توں اتنا دور نکل یا ہم
اپنڑے آپ کوں ہکل مارنڑیں پئے گئی اے

جان فقر دا ترکہ صرف حیاتی ہئی
او وی پہلے وار تے وارنڑیں پئے گئی اے

چوڈی دا چن ہاڑ دے سورج وانگوں ہا
جتھاں میکوں رات گزارنڑی پئے گئی اے

ہنجھ دی یار مہارکوں ذبح کرنڑاں ہا
تسے مال کوں کاتی مارنڑی پئے گئی اے

ہنجھ دا عابد داغ نہ آوے دامن تے
ہنجھ ہئی ہنجھ دےنال ہچھارنڑی پئے گئی اے

سئیں عابد بلال گورمانی

Check Also

سانونڑ آ گئے اکھیں وت پسانونڑ آ گئے | سرائیکی نظم سانگا

سانگا سانونڑ آ گئےاکھیں وت پسانونڑ آ گئےمنڑ تے بہہ کیں جیونڑ والے ہوونڑ نال …

جواب دیں

آپ کا ای میل ایڈریس شائع نہیں کیا جائے گا۔

error: معذرت سئیں نقل دی اجازت کائینی