Home / سرائیکی / وار دشمن تے چھیکڑی کیتے | غزل

وار دشمن تے چھیکڑی کیتے | غزل

غزل

وار دشمن تے چھیکڑی کیتے
گھر کوں ساڑیے میں روشنی کیتے

توں نکھڑ گئیں تاں خیر میکوں وی
غم ضرورت ہا زندگی کیتے


پتہ ہوندا جو تیں ایویں کرنڑے
راہ تاں چھوڑاں ہا واپسی کیتے


دل تاں رکھدا ہے درد نیں رکھدا
اے تاں مہنڑاں ہے آدمی کیتے


خوشی خوشی ڈسا ڈیوو ہا سئیں
حکم جو وی ہے ماتمی کیتے


خود کوں آیا نمھی میسر میں
دل تاں اہدا ہا خود کشی کیتے


چھوڑ عابد بلال بس کر ہنڑ
اوں کڈی تیں تے رحم وی کیتے

عابد بلال گورمانی

Check Also

پھل مکھی دا سجھ دے مونہہ دو  ڈیہدا راہندائے | ظفر اقبال عدم

سرائیکی نظم پھل مکھی دا سجھ دے مونہہ دو ڈیہدا راہندائے ایویں لکدائے سجھ کوں …

جواب دیں

آپ کا ای میل ایڈریس شائع نہیں کیا جائے گا۔