Home / سرائیکی / حیاتی دا سفر ڈیکھنڑ دی چس آئ اے | غزل

حیاتی دا سفر ڈیکھنڑ دی چس آئ اے | غزل

غزل

حیاتی دا سفر ڈیکھنڑ دی چس آئی ے
تماشہ مختصر ڈیکھنڑ دی چس آئی اے

طلب دی آہ دے شعلے ہن فلک توڑیں 
توں کائے نہویں مگر ڈیکھنڑ دی چس آئی اے

تیڈی خاطر تماشہ بن گیا ہاں میں
ڈسا تاں سہی جے کر ڈیکھنڑ دی چس آئی اے

میڈا رونون تے دل ہوندے تاں کھل ڈینداں
مخالف سمت تر ڈیکھنڑ دی چس آئی اے

جڈاں دا بے گھری گھن آئی ہے نال اپنے
تاں کئی آباد گھر ڈیکھنڑ دی چس آئی اے

پتے کیوں موئیں کوں جیون راس نئیں آیا
میکوں تاں جیندیں مر ڈیکھنڑ دی چس آئی اے

حیاتی بے مزا عابد گزرنڑی ہے
ایہو ڈر عمر بھر ڈیکھنڑ دی چس آئی اے۔

سئیں عابد بلال گورمانی

Check Also

پھل مکھی دا سجھ دے مونہہ دو  ڈیہدا راہندائے | ظفر اقبال عدم

سرائیکی نظم پھل مکھی دا سجھ دے مونہہ دو ڈیہدا راہندائے ایویں لکدائے سجھ کوں …

جواب دیں

آپ کا ای میل ایڈریس شائع نہیں کیا جائے گا۔