Home / سرائیکی / کٹھے کھڑن ہِک شاخ تے صفتیں کوں قربت نئیں ملی

کٹھے کھڑن ہِک شاخ تے صفتیں کوں قربت نئیں ملی

غزل 

کٹھے کھڑن ہِک شاخ تے صفتیں کوں قربت نئیں ملی
کنڈیں کوں خوشبو نئیں ملی پھلیں کوں وحشت نئیں ملی

روح دی ریاضت رُل گئی تسبیح دا پورہیا گل گیا
توں نئیں ملیا تاں ایں لگے مومن کوں جنت نئیں ملی

اے عشق ہے ہر دور دے مجنوں دے در دا دستکی
وحشی کوں شاید بئی کِتھاؤں پیونڑ کیتے رت نئیں ملی

ایں ہِجر کہیں ایجھے بھلے دگ تے میکوں ٹوری رکھیے
نکلنڑ دا موقع نئیں ملیا جیونڑ دی فرصت نئیں ملی

اوں پہلے پہلے چھک گھدی ہئی بھوئیں میڈے پیریں کنوں 
ول سر کجنڑ کیتے میکوں اسمان دی چھت نئیں ملی

دل کوں حکومت مل ویندی تاں سر سلامت نا ہوندا
سر بچ گیا ہے شکر کر دل کوں حکومت نئیں ملی۔

سئیں عابد بلال گورمانی

Check Also

سانونڑ آ گئے اکھیں وت پسانونڑ آ گئے | سرائیکی نظم سانگا

سانگا سانونڑ آ گئےاکھیں وت پسانونڑ آ گئےمنڑ تے بہہ کیں جیونڑ والے ہوونڑ نال …

جواب دیں

آپ کا ای میل ایڈریس شائع نہیں کیا جائے گا۔

error: معذرت سئیں نقل دی اجازت کائینی