Home / سرائیکی / چندر چؤڈھی دا ہا اپنڑیں جوبن اتُیں | نظم

چندر چؤڈھی دا ہا اپنڑیں جوبن اتُیں | نظم

نظم

چندر چؤڈھی دا ہا اپنڑیں جوبن اتُیں

رات ڈینہہ وانگوں روشن ہئی ہِک رات دی

ہِک مجبور انسان لٹھ دے اُتیں

بیٹھا محفل سجائی ہئی خیالات دی

اینجھا دُھت ہا تخیل دے نشے دے وچ

کوئی خبر کائینا ہئی اوکوں کائینات دی

اپڑیں الله کنوں اپڑیں مجبوب دی

بھیک منگدا بیٹھا ہا ملاقات دی

یاد گزریا ہویا وقت آیا جو ہِس

تھی کے مجبور ہنجوں ڈھواونڑ لگے

رُناں ایں ہے جو کنیں الا نس گیا

جی کوں جی بھر کے رج رج رواونڑ لگے

چندر منزل دو ویندا سفر کر گیا

رات پوه آلی خاموش ڈھلنڑ لگی

گُھلی سیکر سوالیں دی عقل اتیں

سوچ منفی اچ جوابیں دی ھَلنڑ لگی

دل دے ارمان دل اچ مچنڑ پئے گئے

بھاه دردیں دی سینے اچ بلنڑ لگی

سبھے تلخیاں حیاتی دیاں سہونڑ لگا
بے آرامی طبیعت دو ولنڑ لگی

بانگ ڈتی مؤذن فجر دی جڈاں

تھی کے مایوس گھر دو روانہ تھیا

سوز او شخص میکوں ولا نیں لبھیا

جیکوں لبھدا وداں ہِک زمانہ تھیا

سئیں جہانگیر سوز

Check Also

سرائیکی افسانہ "ڈِڈھ دا دوزک” اکھ دی بُکھ وچوں | طلعت نقی

اوتری ، نامُراد ، لوبھِنڑ چور رَن ، تیکوں شرم نئی آئی ، ایویں کریندییں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

error: معذرت سئیں نقل دی اجازت کائینی