Home / سرائیکی شاعری / جمشید ناشاد / پرایا چندر سرائیکی نظم سئیں جمشید ناشاد

پرایا چندر سرائیکی نظم سئیں جمشید ناشاد

پرایا چندر

اج کولوں کجھ عرصہ پہلے
ہن سکهدے وجدے سازساڈے
جڈاں تارے ہن ہمرازساڈے
جڈاں ساڈاسئیت عروج تے ہا
جڈاں ہوندے ککروں بیرہاسے
جڈاں روز ابهردا سجھ ساکوں
پیغام خوشی دے ڈیندا ہا
جڈاں موسم ہن محتاج ساڈے
جڈاں پوہ وی ساونڑ لگدا ہا
جڈاں جالهیں دے رنگ ساوے ہن
جڈاں خواب دی ہرہک لنگڑی تے
تعبیر دیاں پیلهوں پکدیاں ہن
جڈاں وسدے رسدے باغ دے وچ
جڈاں کهلدے ہسدے پهلیں دے
لب لال ہوا ان چمدی ہئ
جڈاں ویڑها ساراسوجهل ہا
جڈاں کهیڈدے چاندنڑی نال ہاسے
جڈاں سینگیں نال نہال ہاسے
بئی نہی تهیندی ناشاد ساڈی
ہئی جهوک جڈاں آباد ساڈی
اساں جهوک تے چندر لہایا ہا
نجانڑ او چندر پرایا ہا

جمشید ناشاد

Check Also

سرائیکی افسانہ "ڈِڈھ دا دوزک” اکھ دی بُکھ وچوں | طلعت نقی

اوتری ، نامُراد ، لوبھِنڑ چور رَن ، تیکوں شرم نئی آئی ، ایویں کریندییں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

error: معذرت سئیں نقل دی اجازت کائینی