Home / سرائیکی شاعری / جمشید ناشاد / اساں انڑ پهر مفلس لوک ہسے جمشید ناشاد

اساں انڑ پهر مفلس لوک ہسے جمشید ناشاد

تقصیراں

اساں انڑ پهر مفلس لوک ہسے
نہ بهانڑ نہ مال نہ جهوک ہسے
ساڈے منہ تے مونجھ دیاں وکڑیاں ہن
تہوں شکلاں پهکڑیاں پهکڑیاں ہن
ساڈے گل ہن طوق غریبی دے
ساڈے کپڑے لیرکتیراں ہن
جیرها پچهدے حال حوال ساڈا
رو ڈیندیاں تن دیاں لیراں ہن
کڈی حال اساڈا چا تاں سہی
ساڈے اندر جهاتی پا تاں سہی
ساڈے اندر کتنے رانجهے ہن
ساڈے اندر کتنیاں ہیراں ہن
اے وقت اساکوں ڈس تاں سہی
اساں کیتیاں کیا تقصیراں ہن۔


جمشیدناشاد (پپلیں ہیٹه جہان)

Check Also

سرائیکی افسانہ "ڈِڈھ دا دوزک” اکھ دی بُکھ وچوں | طلعت نقی

اوتری ، نامُراد ، لوبھِنڑ چور رَن ، تیکوں شرم نئی آئی ، ایویں کریندییں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

error: معذرت سئیں نقل دی اجازت کائینی