Home / سرائیکی / تیکوں یاد کریجے اوں ویلے سرائیکی نظم

تیکوں یاد کریجے اوں ویلے سرائیکی نظم

نظم

تیکوں یاد کریجے اوں ویلے

سرمی دے نازک پھلاں تے

میڈا یار اسور دے ویلے کوں

جڈاں شبنم کردی پئی ھووے

جڈاں کالی رات دے سینے تے

کوئی چاندنی ٹردی پئی ھووے

تیکوں یاد کریجے اوں ویلے

جڈاں پیلوں پک کے لال ھوون

جڈاں پیلوں چنڑدے بال ھوون

جڈاں تار، او ھیرے تھئے ھوون

جڈاں ساونڑ دی صغراند لگے

جڈاں بدلاں دا گجگار ھووے

جڈاں وسدے مینہہ وچ اڈدے ھوئے

کجھ کانواں دا کرکار ھووے

جڈاں ٹالھیاں ھیٹھ نماشاں کوں

چن چڑیاں دا چلکار ھووے

تیکوں یاد کریجے اوں ویلے

جڈاں خمرے مست الست ھوون

جڈاں گیرے گھوکدے پئے ھوون

جڈاں کونجاں فجر کوں تلھڑدی

ترمدی ھوئی تریڑ تیں بہندیں ھوئیں

ایویں پولے پولے پیر رکھن

جیویں خواب اکھیں وچ ٹرداہے

جڈاں بلبل اپنڑے آلہڑیں کوں

پھل پتیاں لاونڑ آئی ھووے

جڈاں ساوے ونڑ دی سانول تے

کوئی کوئل گانونڑ آئی ھووے

جڈاں پھل دے پاک کٹورے وچو

دھوپ شبنم چاونڑ آئی ھووے

تیکوں یاد کریجے اوں ویلے.

مزید سرائیکی شاعری

Check Also

سرائیکی افسانہ "ڈِڈھ دا دوزک” اکھ دی بُکھ وچوں | طلعت نقی

اوتری ، نامُراد ، لوبھِنڑ چور رَن ، تیکوں شرم نئی آئی ، ایویں کریندییں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

error: معذرت سئیں نقل دی اجازت کائینی