Home / سرائیکی / ایں نہ رکھ اپڑیں تات وچ ساکوں | سلیم طاہر قیصرانی

ایں نہ رکھ اپڑیں تات وچ ساکوں | سلیم طاہر قیصرانی

غزل

ایں نہ رکھ اپڑیں تات وچ ساکوں
مونجھ پئیندی اے وات وچ ساکوں

چار صدیاں گذارنڑیاں پوندِین
چار پہریں دی رات وچ ساکوں

اینویں سٹ کے توں ہنڑ لگا ویسیں
جان ، ایجھیں حالات وچ ساکوں


اساں یکمشت ہِک ڈینہہ ڈِٹھی ہئی
دنیا نظری ہَئی جھات وچ ساکوں


سانبھ کے اساں خاک رکھنڑی اے
خاک ملی ہے، ڈات وچ ساکوں


اپڑاں جیونڑ تاں ساکوں جیونڑ ڈے
ضم نہ کر اپڑی ذات وچ ساکوں


حسن اپڑاں حلال کر طاہر
قرب ڈے کجھ زکوٰت وچ ساکوں

سئیں سلیم طاہر

Check Also

سرائیکی افسانہ "ڈِڈھ دا دوزک” اکھ دی بُکھ وچوں | طلعت نقی

اوتری ، نامُراد ، لوبھِنڑ چور رَن ، تیکوں شرم نئی آئی ، ایویں کریندییں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

error: معذرت سئیں نقل دی اجازت کائینی