Home / سرائیکی / اَساں حرف حرف مُکلانوڑا سرائیکی نظم سپت سندھو

اَساں حرف حرف مُکلانوڑا سرائیکی نظم سپت سندھو

سپت سندھو

اَساں حرف حرف مُکلانوڑا
اساں انڑ مُل وِکنڑے لُوک

ساڈی دھرتی سچ دی سادھنا
اَساں پَرم بَھرے اشلُوک

ساڈے سینے ہُوکدا ہاکڑا ساڈی
سُر دامان دی بُوک

اساں ازلی ڈُکھ ہنڈاونڑے ساڈے
ڈُکھاں نال سنجوک

اساں باہروں میل کُچیلڑے ساڈا
اندر چٹا ڈُودھ

اساں مارے کئ سکندرے ساڈی
مٹی جایا بُدھ

اساں تیڈی مَنڑ تے راہونڑاں ساڈا
جیونڑ تیڈے جُوگ

تیکوں سندھو کھول سنڑاونڑیں
اساں اندر پلدے رُوگ

تُوں سَت نَدیاں دا دیوتا تُوں
تُوں سَت نَگراں دا پیو
تیڈا پانڑی سُتھرا گھیو

سئیں ناظر مہروی

Check Also

سرائیکی شاعر منشو بھٹہ سئیں ہونڑی دی ہک نظم ”سندھو دی منت“

سرائیکی نظم سندھو دی منت تیکوں تیڈیاں سپیاں دا واسطہ ساڈے پاسے بھاہ ءے ساڈے …

جواب دیں

آپ کا ای میل ایڈریس شائع نہیں کیا جائے گا۔