Home / سرائیکی / غیر ہتھ اچ مہار ڈیواں کیا | سئیں عزیز شاہد صاحب

غیر ہتھ اچ مہار ڈیواں کیا | سئیں عزیز شاہد صاحب

غزل

غیر ہتھ اچ مہار ڈیواں کیا  
کونج کلہی قطار ڈیواں کیا

 
عقل دی من کے من کراں دشمن 
آپ کوں آپ مار ڈیواں کیا 


او جو رُس گئے تاں رُس ونجاں میں وی
در دی جاہ تے دیوار ڈیواں کیا


سر تاں صدقہ ہے ہک تیڈی سک دا
تیڈے پیریں توں وار ڈیواں کیا


بُھل ونجاں کینویں بُھل ونجاں تیکوں
آپ کوں وی وسار ڈیواں کیا


میڈی قسمت ہے کیا، میڈی قسمت
تیڈیاں زُلفاں سنوار ڈیواں کیا


جن تے جُل میں تاں نال ہاں تیڈے
وقت کوں وی ونگار ڈیواں کیا


مونجھ وسوں ہے من دے ویڑھے دی
بے زباں کوں بزار ڈیواں کیا


توں جنم توں میڈی جنم بھومی
جان کلہیں گزار ڈیواں کیا


میں تاں جو کجھ ہاں تیڈا ہاں شاہد
میں کنوں ودھ کے یار ڈیواں کیا


عزیز شاہدصاحب

Check Also

سرائیکی افسانہ "ڈِڈھ دا دوزک” اکھ دی بُکھ وچوں | طلعت نقی

اوتری ، نامُراد ، لوبھِنڑ چور رَن ، تیکوں شرم نئی آئی ، ایویں کریندییں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

error: معذرت سئیں نقل دی اجازت کائینی