Home / سرائیکی / جیڑھا گھِندا ہے راہ نکل ویندے | سلیم طاہر

جیڑھا گھِندا ہے راہ نکل ویندے | سلیم طاہر

غزل

جیڑھا گھِندا ہے راہ نکل ویندے
انت وسوں دی جاہ نکل ویندے

ہر ویلھے سوچ سوچ کیں تیکوں
میڈے چیتے دا ساہ نکل ویندے

پکھڑو جی دا تاں بت دے جنگل تو
جڈاں لگدی اے بھاہ نکل ویندے


دار زلفیں دی جھوٹدے جیڑھا
اوندے گاٹے تو پھاہ نکلے ویندے


میں جڈاں کجھ کرنڑ دا سوچاں تاں
اپڑیں ڈر توں   گناہ نکل ویندے


پیر میڈے، پناہ پدھر کیتن
جے نہ گھِندے پناہ نکل ویندے


دل اندر کوئی بیا وساؤ طاہر
دل اچوں بادشاہ نکل ویندے

سلیم طاہر قیصرانی

Check Also

بھوئیں تے پالے نہ پا سِیانی تھی,,

بھوئیں تے پالے نہ پا سِیانی تھی ۔۔۔ کُجھ تاں گالھی بَلا سِیانی تھی۔۔۔۔۔ بال …

جواب دیں

آپ کا ای میل ایڈریس شائع نہیں کیا جائے گا۔