Home / خبراں / ملک سارا اُتھل پُتھل دا شکار ہے | کشمیرعلی خان

ملک سارا اُتھل پُتھل دا شکار ہے | کشمیرعلی خان

تونسہ شریف 

عقیدہِ ختم نبوت کوں نال چھیڑ چھاڑ کر کیں حکومت اپنڑے پیر تیں آپ کہاڑی ماری اے۔ ہنڑ سارے وزیرمشیر شریفیں دی کرپشن بچانونڑ اچ لگے پئین ۔
جبکہ ملک سارا اُتھل پُتھل دا شکار ہے ۔ جناب مسلم لیگ(ق) دے تحصیل تونسہ دے نائب صدر کشمیرعلی خان لاشاری اپنڑیں خیالات دا اظہار  کریندیں ہوئیں ریتڑہ دے نمائندیں نال اپنڑی گالھ مہانڑ کیتی ۔اُنہاں آکھیے کہ ملک اچ حکومت ناں دی کوئی شئے باقی کائینی رہ گئی یکی کابینہ لُٹیریں نال رَلی بیٹھی ہے
سندھ کیں لا کے خیبر پخونخواہ تک ہڑتالاں ہن اور ملک ہڑتالیں اور بد امنی دا گلانویں پاتی کھڑے ۔
اُنہاں  نے مزید آکھیے کہ عقیدہ ختم نبوت ہِک نازک معاملہ ہے اور ساڈے ایمان دا حصہ ہے۔حکومت نے عقیدہ ختم نبوت کوں چھیڑ کیں بہوں وڈی غلطی کیتی ہے۔ جیندا ازالہ کہیں ترانویں ممکن نئیں ۔ 
مزید تونسہ شریف اور وہوا دے نال نال ساریں علاقیں اچ ہڑتال وی کیتی گئی اور لبیک یا رسول اللہ دے نعرے اوچی اوچی آواز اچ ماریے گئے۔ تمام ہڑتال آلیں دا مؤقف وی عقیدہ ختم نبوت دے اندر قانونی ترامیم دی سخت مزاہمت ہئی ۔

 

Check Also

بیت المقدس حالات کشیدہ حماس دا سخت ایکشن | خبراں

بیت المقدس سن 1948 ء اِچ اسرائیل نے  قدیم ترین شہر   القدس تیں حملہ کیتا …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

error: معذرت سئیں نقل دی اجازت کائینی