Home / سرائیکی / عشق کیتے جنوں وی کیتا ہا | سلیم طاہِر قیصرانی

عشق کیتے جنوں وی کیتا ہا | سلیم طاہِر قیصرانی

غزل

عشق کیتے   ، جنوں وی کیتا ہا
ایں تو کجھ میں اگوں وی کیتا ہا

اپڑیں اندر کوں وی جیوالا ہم
اپڑیں اندر دا خوں وی کیتا ہا

کجھ میڈے تے ہا وصل دا سایہ
کجھ تکلف تاں اوں وی کیتا ہا


ہر سفر ونج اتھائیں ختم کیتے
کوئی سفر میں جتھوں وی کیتا ہا


او نئیں آیا میں اپڑی گھڑی دا
وخت اگوں پچھوں وی کیتا ہا 


ہک میں کیتا ہے اپڑی دنیا وچ
ہک تماشہ پروں وی کیتا ہا


ڈھیر تھولا میں فاصلہ ہِک ڈینہہ
میں تے توں دے وچوں وی کیتا ہا


او تاں اوں در دا تھی گیا طاہر
جئیں گذر اوں دروں وی کیتا ہا


ول جگارے کوں نندر آ گئی ہئی
تاں میں لہظہ سکوں وی کیتا ہا


جیڑھا وعدہ نہ اج تئیں پورا تھئے
میں وی کیتا ہاا اوں وی کیتا ہا


سک دے سوگ ءچ میں پیت دا پرچم
کئی دفعہ سرنگوں وی کیتا ہا

سلیم طاہر قیصرانی

Check Also

بھوئیں تے پالے نہ پا سِیانی تھی,,

بھوئیں تے پالے نہ پا سِیانی تھی ۔۔۔ کُجھ تاں گالھی بَلا سِیانی تھی۔۔۔۔۔ بال …

جواب دیں

آپ کا ای میل ایڈریس شائع نہیں کیا جائے گا۔