Home / سرائیکی / اتنی تریہہ ہے سرائیکی نظم مخمور قلندری

اتنی تریہہ ہے سرائیکی نظم مخمور قلندری

نظم

اتنی تریہہ ہے

گل وینڑی دیاں تروڑ کے تنڑیاں

ڈوہیں باہیں پوریاں کھول کے

اکھیں دے وچ تھل کوں پا کے

کھریاں چا کے

ہکل ماریم 
تریہہ وسما ڈے

تریہہ نی وسمی

پہلے پہلے سوریا دیوتا

ساونڑ نال الیندا رہے گئے
ساونڑ ساونڑ
تو تاں ساونڑ

نیلے نیلے پنے اتے
دریا
دریا نال کنارے
بیڑیاں 
تردیاں تردیاں بیڑیاں
بیڑیاں نال مہانڑے

جنگل 
جنگل نال پکھیرو 
کئ کئ منظر چھاپ کھڑیندیں

میڈے اندر اگنی دیوتا
میڈی تس نی وسمنڑ ڈیندا

بھویں ٻولی

ساونڑ ساونڑ
تو تاں ساونڑ
بیری ، پپل ، پیلہوں دے
کجھ پتر پساونڑ جوگا
میکوں سادھو
رت دی  لت تے لا چھوڑیا ہے
میڈی تس کوں کون بجھاوے

روہ بولیا ہے

ساونڑ ساونڑ 
پتھریں اتے چینڑاں چینڑاں
تھیاں کنڑیاں
تسا سوریا پی ویندا ہے
تسا گوتم
روہاں دے پڑ روہاں پچھوں 
اپنڑی تس وسمیندا ودے

تس نی وسمی

سئیں مخمور قلندری

Check Also

سرائیکی شاعر منشو بھٹہ سئیں ہونڑی دی ہک نظم ”سندھو دی منت“

سرائیکی نظم سندھو دی منت تیکوں تیڈیاں سپیاں دا واسطہ ساڈے پاسے بھاہ ءے ساڈے …

جواب دیں

آپ کا ای میل ایڈریس شائع نہیں کیا جائے گا۔