Home / خبراں / غریب لوگیں دے صبر دا امتحان نہ گھنو | شاکر شجاع آبادی

غریب لوگیں دے صبر دا امتحان نہ گھنو | شاکر شجاع آبادی

ملتان سرائیکی خبراں

ملتان دے نواحی علاقے باقر پور اچ سرائیکی محفل مشاعرہ دے دوران معروف سرائیکی شاعر شاکر شجاع آبادی آکھیے کہ میں شاعری کنیں پہلے تقریر کریساں اور اے آکھساں کہ حکمرانو سرائیکی وسیب دے غریب لوگیں دے صبر دا امتحان نہ گھنو۔

حکمرانو سرائیکی صوبہ بنڑاؤ اپنڑاں وعدہ پورا کرو ورنہ سرائیکی وسیب دیاں بددعاواں تہاکوں لگسن اور تُساں برباد تھی ویسو ۔

انہاں نے وسیب دے ارکان اسمبلی اور وڈیریں کوں خبردار کریندے ہوئیں آکھیے کہ تُساں اسمبلی اِچ بول نئیں سگدے تاں میں کنیں میڈی زبان گھِن ونجو تُہاڈا وجود شل اور مردہ تھی چکا ہے تاں میڈی جان حاضر ہے ۔

شاکر شجاع آبادی   نے آکھیے کہ تُساں سندھیں ، پنجابیں ، پٹھانڑیں اور بلوچیں دے صوبے بنڑائن کیا او لوگ اور اساڈے اچ فرق اے کیویں ؟  او انسان ہِن تیں اساں حیوان ہیں ۔

شاکر شجاع آبادی دا مزید آکھنڑا ہا کہ خدا دے قہر کولو ڈرو ایں خطے دے لوگ خیرات نہیں اپنڑاں حق منگدِن  ۔

سرائیکی رہنما  :

سرائیکی رہنما ملک اللہ نواز وینس ، ظہور احمد دھریجہ اور عباس منہاس نے اپنڑی تقریریں اچ آکھیے کہ پیپلز پارٹی نے سرائیکی صوبے اور سرائیکی بنک دے ناں تیں دھوکہ ڈتے۔

اور ن لیگ نے ڈوڑا دھوکہ تیں ڈوڑا ڈرامہ کیتے ایں دا حشر پورا زمانہ ڈیہدا پئے ۔ انہاں آکھیے کہ سرائیکی لوگ فقیر صفت ہن۔ اے لوک ظلم تیں صبر کر ویندن۔  مگر فقیراں دی آہ بھوئیں آسمان ہِلا ڈیندی ہے ۔ انہاں دا آکھنڑ ہا کہ عمران خان کوں سکون اِت لو کائینی کیونکہ او وی سرائیکی قوم نال منافقت کریندا پئے۔ 

عمران خان صوبے دی حمایت نئیں کریندا مگر کُھل کیں مخالفت وی نئیں کریندا جبکہ سیاست ایں نئیں ہوندی حمایت یا مخالفت اچوں ہِک شئے چنڑنڑی پوندی ہے۔ ایں مشاعرے دا اہتمام سابق ایم پی اے طارق عبداللہ دے ڈیرے تیں کیتا گیا ہا۔

نظامت دے فرائض نذر فرید بودلہ نے سر انجام ڈتن تیں میزبان سانول صاعق اور امام بخش مہتاب ہن ۔ ایں موقعہ تیں معروف سرائیکی شاعر اشرف باقر دی تاج پوشی کرائی گئی ۔

مشاعرے اچ شامل سرائیکی شعراء :

سرائیکی مشاعرے بہوں سارے لوکاں نے شرکت کیتی اور درجناں شعراء نے اپنڑاں کلام سنڑائے۔مشاعرے اچ شامل شعراء دے ناں درج ذیل ہِن۔ 

 شاکر شجاع آبادی ، اشرف باقر ، ظفر مگیں نذیر فرید بودلہ،منیر ذیشان،سکندر شاہ جمالی،عابد حسین ظامی ، مہر اقبال خاکی ، غفور بلوچ ، رازق شاغر ، عرفان گل نور، رانا اشعر اور بہوں سارے مقامی شعراء وی شامل ہن ۔

شاعری شاکر شجاع آبادی ۔

سوشل میڈیا رپورٹ

Check Also

بیت المقدس حالات کشیدہ حماس دا سخت ایکشن | خبراں

بیت المقدس سن 1948 ء اِچ اسرائیل نے  قدیم ترین شہر   القدس تیں حملہ کیتا …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

error: معذرت سئیں نقل دی اجازت کائینی