Home / سرائیکی / جگارے تو گناہ تھیوے تاں سمہوں | سلیم طاہِر

جگارے تو گناہ تھیوے تاں سمہوں | سلیم طاہِر

غزل

جگارے تو گناہ تھیوے تاں سمہوں
کتھائیں بئی جاء پناہ تھیوے تاں سمہوں

سکن اوندے ھتھیں وینڑیں دیاں میندیاں
ساڈے سمہنڑ دی جاہ تھیوے تاں سمہوں

کہیں ھک پل لو گدا کولوں تاں ہینڑاں
قصے وچ بادشاہ تھیوے تاں سمہوں


اوکوں ڈیٹھے بناں نئیں نین سمہدے
انہاں نیناں دا راہ تھیوے تاں سمہوں


کوئی سوھنڑاں خواب آپو وی تاں ساڈا
کڈائیں جے خیر خواہ تھیوے تاں سمہوں
سلیم طاہِر

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …

جواب دیں

آپ کا ای میل ایڈریس شائع نہیں کیا جائے گا۔