Home / خبراں / بیت المقدس حالات کشیدہ حماس دا سخت ایکشن | خبراں

بیت المقدس حالات کشیدہ حماس دا سخت ایکشن | خبراں

بیت المقدس

سن 1948 ء اِچ اسرائیل نے  قدیم ترین شہر   القدس تیں حملہ کیتا ۔ 

1948ء اچ جیڑھے ویلھے برطانیہ نے فلسطین دی دھرتی تیں   اسرائیلی ریاست بنڑائی تاں یروشلم اوندا حصہ

کائنا ہا ۔ اقوام متحدہ نے علاقے کو فلسطین اور اسرائیل اِچ تقسیم کرنڑ کیتے جیڑا نقشہ بنڑایا  اوندے وِچ  وی

یروشلم کوں بین الاقوامی کنٹرول اِچ ڈیونڑ دی سفارش کیتی ہائی مگر فلسطینیں  اے منصوبہ منڑ کیں انکار ڈِتے

اوراپنڑے پورے علاقے دی آزادی کیتے جنگ جاری رکھی ہے ۔عرب میڈیا دی رپورٹ دے مطابق 1948ء

 دی جنگ اِچ اسرائیل نے مغربی یروشلم تیں قبضہ کر گھِدا ہائی۔ 

جب کہ مشرقی یروشلم اردن دے کنٹرول اِچ ہا ۔ 1967ء دی جنگ اِچ اسرائیل نے عرب دی متحدہ

فوج کوں شکست  ڈے کیں اردن دے مغربی کنارے  دے نال نال  مشرقی یروشلم دا علاقہ وی کھس گھِدا ۔

اسرائیل نے مشرقی یروشلم کوں اپنڑاں علاقہ قرار ڈِتا تاں 1967ء اِچ اقوام متحدہ  دی جنرل اسمبلی

نے متفقہ طور تیں ایندی مخالفت کیتی۔

 1993ء دے اوسلو معاہدے دے تحت فلسطین اور اسرائیل نے ہِک دوجھے دا وجود تسلیم کیتے ،

غزہ اور مغربی کنارے تیں فلسطینی اتھارٹی دی حکومت قائم کیتی گئی ، یروشلم دا معاملہ بعد اِچ

حل کرنڑ دا فیصلہ کیتا گیا ۔

نیتن یاہو دی سخت گیر حکومت قائم بنڑنڑ دے بعد سے رہے سہے مذاکرات وی ختم تھی گئین۔

اور ہنڑ اسرائیل مشرقی یروشلم دے علاقیں اِچ وی یہودی وستیاں بنڑانونڑ دے منصوبے کریندا ودے ۔

ہنڑ فلسطینی تنظیم حماس نے اسرائیل دے خلاف تحریک شروع کرنڑ دا اعلان کرڈتے۔ حماس دے رہنما

 حماس دے اعلان دے بعد فلسطینی گھریں کیں باہر نکل آئین اور احتجاج شروع تھی گئین ۔ فلسطینیں

کوں احتجاج کیں روکنڑ کیتے قابض اسرائیلی فوج نے  بے دریغ ربڑ دی گولیاں، آنسوگیس اور تشدد 

شروع کر ڈتے ۔جیندے نتیجے اچ بہوں سارے بے گناہ فلسطینی زخمی تھی گئین ۔ امام کعبہ ڈاکٹر عبدالرحمن

السدیس نے اپنڑے ہِک بیان اِچ آکھیے کہ بیت المقدس عرب اور اسلامی شہر ہے اور ایندی شناخت باقی رہسی۔

سوشل میڈیا رپورٹ

Check Also

karachi image

کینسر جھئیں موضی مرض دا مفت علاج | سرائیکی خبراں

سرائیکی خبراں کینسر ہِک موزی مرض ہے ایندا علا ج دنیا اچ بہوں کم ہسپتالاں …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

error: معذرت سئیں نقل دی اجازت کائینی