Home / سرائیکی / اینویں لگدے وا دی کنڈ تے ڈیوا ٹردا ویندے | عابد بلال گورمانی

اینویں لگدے وا دی کنڈ تے ڈیوا ٹردا ویندے | عابد بلال گورمانی

غزل

اینویں لگدے وا دی کنڈ تے ڈیوا ٹردا ویندے

لوکی حیرت دے وچ بیٹھن قصہ ٹردا ویندے 

اپنڑے آپ کتھاں رہ گیاں وقت کتھاں گھن آ گئے

بندہ کائنی اپنڑے سیدھے سایہ ٹردا ویندے

پہلے وی اسمان کوں مونڈھا کوئی نئیں ڈِتی کھڑا

بھوئیں دا بار تاں گھٹدا ویندے جیڑا ٹردا ویندے

وقت نہ کہیں کوں تل دی مہلت ڈیندے تے نہ گھندے

پاندھی تھک کے بَہندے ویندن رستہ ٹردا ویندے

اتنے تئیں میں اپنڑۓ آپکوں موہری آکھ نہ سگدا

جتنے تونڑیں میڈے اگو پیرا ٹردا ویندے

شاید پچھاں ول نہیں سگدا اگو سجھدا کجھ نئیں

ایں راہگیر دا مسئلہ ہے کوئ کھڑدا ٹردا ویندے

عابد بلال گورمانی

Check Also

بھوئیں تے پالے نہ پا سِیانی تھی,,

بھوئیں تے پالے نہ پا سِیانی تھی ۔۔۔ کُجھ تاں گالھی بَلا سِیانی تھی۔۔۔۔۔ بال …

جواب دیں

آپ کا ای میل ایڈریس شائع نہیں کیا جائے گا۔