Home / سرائیکی / اساں رام کہانڑی سیتنڑ دی سرائیکی نظم انڑ مُکت | ناظر مہروی

اساں رام کہانڑی سیتنڑ دی سرائیکی نظم انڑ مُکت | ناظر مہروی

انڑ مُکت

اساں رام کہانڑی سیتنڑ دی 
اساں رادھو دے چوراس کھڑے

اساں رُل روہی دامان تھئے
اساں وستیاں تھئے دالان تھئے

اساں بیریں دے لڑ بُور بھرے
اساں تھل دے ٹبڑے نور بھرے
؛
اساں کتبیں وچوں نسرے ہوئے
اساں اپنڑے آپ تے اُسرے ہوئے

اساں اپنڑے آپ کُوں وسرے ہوئے
ساکُوں یاد ناں کرناں پھول ساکوں

اساں ورق ورق زخمیجے ہوئے

اساں ادھ وچکاروں پاڑے گئے

اساں گھوڑیں ہیٹھ لتاڑے گئے 
اساں کاٹھیں تے رکھ ساڑے گئے

اساں نرکھ ڈٹھا 

اساں گنگا جمنا لوڑھے گئے
اساں ہاکڑے  وانگ نچوڑے گئے 

اساں سندھو دیو دے قدم تھئے 
اساں جنم جنم ست جنم تھئے

اساں مُکنڑاں نئیں

انڑ مُکت اساں 

 

ناظر مہروی

Check Also

بھوئیں تے پالے نہ پا سِیانی تھی,,

بھوئیں تے پالے نہ پا سِیانی تھی ۔۔۔ کُجھ تاں گالھی بَلا سِیانی تھی۔۔۔۔۔ بال …

جواب دیں

آپ کا ای میل ایڈریس شائع نہیں کیا جائے گا۔