Home / سرائیکی شاعری / پرویز اختر شانی / سرائیکی شاعر سئیں اختر شانی دا کلام | غزل

سرائیکی شاعر سئیں اختر شانی دا کلام | غزل

غزل

اساں سِجھ دے وانگوں تونڑے چڑھدے ڈھلدے پئے ہیں

لا غرضی دی بھا اچ ایویں جلدے بلدے پئے ہیں

 

قوم قبیلہ پُچھدو ساڈا۔۔۔۔۔۔۔۔ اساں لوک دراوڑ 

دلدل دے وچ پھس  کے ایویں پیدل چلدے پئے ہیں

 

ماں بولی دا جھنڈا چا تے بال بلوڑاں سودھے

پکھواں وانگوں ہولیں ہولیں جھار اِچ رلدے پئے ہیں

 

اساں اپںڑاں حق پئے منگدوں خیر نِسے پئے منگدے

اپنڑی یار وراثت اساں آپ سنبھلدے پئے ہیں

 

انت مخالف پُچھدے رہسن رستہ روکنڑ کیتے

جِتلے نیڑے تھیسن اُتلے دور نِکلدے پئے ہیں

 

ساڈیاں چھلاں اختر شانی لوڑھ کھڑیسن تیکوں

سندھ دریا دا پانڑی پی تے اساں پلدے ہیں ۔

 

اختر شانی 

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …