Home / سرائیکی شاعری / خلیل بلوچ / وعدیں کوں پال آیاں کلام سئیں خلیل بلوچ

وعدیں کوں پال آیاں کلام سئیں خلیل بلوچ

وعدیں کوں پال آیاں
گھن دل دےحال آیاں

برہوں دے بار بھوگیم
ڈکھےڈینہوار بھوگیم
میں ڈہندیں ڈہندیں خودکوں
کیویں سنبھال آیاں

مونجھیں دی مار ماریے
تانگھیں دی تار ماریے
ڈکھڑے یں ہزار ما ریے
سئے روگ پال آیاں

تھولی کوں کرچا تھولا
مانڑیں حیاتی ڈھولا
غلطی جےتھئ گئ اے
کرتےمجال آیاں

جانڑیں بھانویں نہ جانڑیں
شالاجوانی مانڑیں
میں تاں خلیل اپڑیں
جوبن کوں گال آیا

 

خلیل بلوچ

Check Also

سرائیکی شاعر منشو بھٹہ سئیں ہونڑی دی ہک نظم ”سندھو دی منت“

سرائیکی نظم سندھو دی منت تیکوں تیڈیاں سپیاں دا واسطہ ساڈے پاسے بھاہ ءے ساڈے …