Home / سرائیکی / اساں رام کہانڑی سیتن دی سرائیکی نظم ناظر مہروی

اساں رام کہانڑی سیتن دی سرائیکی نظم ناظر مہروی

انڑ مُکت

اساں رام کہانڑی سیتن دی
اساں رادھو دے چوراس کھڑے

اساں رُل روہی دامان تھئے
اساں وستیاں تھئے دالان تھئے

اساں بیریں دے لڑ بُور بھرے
اساں تھل دے ٹبڑے نور بھرے

اساں کتبیں وچوں نسرے ہوئے
اساں اپنڑے آپ تے اُسرے ہوئے

اساں اپنڑے آپ کُوں وسرے ہوئے
ساکُوں یاد ناں کر ناں پھول ساکوں
اساں ورق ورق زخمیجے ہوئے

اساں ادھ وچکاروں پاڑے گئے
اساں گھوڑیں ہیٹھ لتاڑے گئے
اساں کاٹھیں تے رکھ ساڑے گئے

اساں نرکھ ڈٹھا

اساں گنگا جمنا لوڑھے گئے
اساں ہاکڑے وانگ نچوڑے گئے

اساں سندھو دیو دے قدم تھئے
اساں جنم جنم ست جنم تھئے

اساں مُکنڑاں نئیں
انڑ مُکت اساں

ناظر مہروی

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …