Home / Uncategorized / جمشیدناشاد دی کتاب پرلی کندھی وچوں ہک سوہنڑی غزل

جمشیدناشاد دی کتاب پرلی کندھی وچوں ہک سوہنڑی غزل

پپلئیں دی نازک شاخ توں ہنجوواں دے پھل ڈھہندے ریہے
اسمان توں ڈھہہ ڈھہہ کرئیں قدمیں تلے آندے ریہے

ساونڑ دا پڑ وی ترٹ گیا،کونجاں وی واپس مڑگیاں
مونجھیں دے ولھر جھوک تے بےموسمے لہندے ریہے

ویران کیتے جئیں ساڈے دل دے سہانے شہرکوں
او وی تے اوندی یاد وی اوں شہر وچ رہندے ریہے

او غم پٹھیندا رہ گۓ،میں غم سنبھیندا رہ گیاں
اوکوں وی غم بھاندے ریہے، میکوں وی غم بھاندے ریہے

دردیں بھرئیے ڈوہڑے ساڈے، حسرت بھریاں غزلاں ساڈیاں

کئ کھل کرائیں سنڑدے ریہے، کئ رو کرائیں گاندے ریہے

ناشاد ساری رات میں ڈسکیاں بھریندا رہ گیاں
سوچاں وی تن کھاندیاں ریہاں، چنتے وی تن کھاندے ریہے

 

جمشیدناشاد”پرلی کندھی” وچوں

سئیں جمشید ناشاد نال فیس بک تے رابطہ کرنڑ کیتے کلک کرو 

Check Also

بھوئیں تے پالے نہ پا سِیانی تھی,,

بھوئیں تے پالے نہ پا سِیانی تھی ۔۔۔ کُجھ تاں گالھی بَلا سِیانی تھی۔۔۔۔۔ بال …