Home / سرائیکی شاعری / جمشید ناشاد / چاچا ساڈا میٹر ناں پٹ بہوں سوہنڑی نظم سرائیکی جمشید ناشاد

چاچا ساڈا میٹر ناں پٹ بہوں سوہنڑی نظم سرائیکی جمشید ناشاد

ونج آں میڈا چن چوڈی دا
ڈیکھ آں باہروں کون آہداپۓ
پردے آلے پردہ کرو
جہڑا ہووے آکھیں اوکوں
ڈکھ تے بکھ دے پھتھے پۓ ہیں
بابا ساڈا ہک مزدور ء
کتواں سال ء سخت بیمار ء
نہ کئ نوکری شوکری ساڈی
نہ کئ ساڈا کاروبار ء
بھینڑیں مل دیاں سیوڑیں سیندین
جہڑا ٹکا پیسہ تھیندے بابے سئیں دے ڈکھ تے لگدے
اللہ سوہنا خیر کریسی
ڈسدا خیر دا ماہ رمضان ء
ماہ رمضان ءچ رب دے بندے
کجھ فطرانہ ڈیسن ساکوں
کجھ وت چاچے مامے ساڈے
کجھ وت بابے سئیں دے سنگتی
عید تے عیدی ڈیسن ساکوں
سارے پیسے کٹھے کرکے
بل وی جمع ونج کرویسوں
تیڈیاں منتاں آن لہیسوں
کال کریہہ ہے بارش کائنی
سیک سڑیہہ ہے چھپرا کائنی
نکڑے بوبڑے بال ءن ساڈے
باہروں سیک سڑیہہ تے سڑسن
اندروں اندھا کوٹھا کھاسی
ہتھیں پیریں پوویں آکھیں
چاچا ساڈا میٹر ناں پٹ
چاچا ساڈا میٹر ناں پٹ


جمشید ناشاد 

Check Also

Image For Jamshid Nashad

ہتهیں تے چاکے گهن ونجے یاپیریں پاکے گهن ونجے | جمشید ناشاد

ہتهیں تے چاکے گهن ونجے یاپیریں پاکے گهن ونجے اساں تاں ککه ہسے ہوا جتهاں …